ერთიანი ეროვნული გამოცდები ქართული ენისა და ლიტერატურის გამოცდით დაიწყო

აჭარის განათლებისა და სპორტის მინისტრი მაია ხაჯიშვილი ქალაქ ბათუმის N1 საჯარო სკოლაში, რეგისტრაციის პროცესს გაეცნო და აბიტურიენტებს წარმატებები უსურვა.

 

აჭარის რეგიონში 4 საგამოცდო ცენტრი ფუნქციონირებს. საგამოცდო ცენტრებში 4500-მდე აბიტურიენტია რეგისტირებული. სამი საგამოცდო ცენტრი ბათუმში, ხოლო ერთი ხულოს მუნიციპალიტეტშია განთავსებული.

 

ერთიანი ეროვნული გამოცდები 22 ივლისს ფიზიკის გამოცდით დასრულდება. მასწავლებლის გამოცდები 5 ივლისიდან დაიწყება, სტუდენტთა საგრანტო კონკურსი 17 ივლისს ჩატარდება, ხოლო საერთო სამაგისტრო გამოცდა - 23 და 24 ივლისს გაიმართება.

საქართველოს განათლების, მეცნიერებისა და ახალგაზრდობის სამინისტროსა და სხვა სამთავრობო უწყებების ჩართულობით, საგამოცდო პროცესი კომფორტულ და აკადემიურ გარემოში მიმდინარეობს.