"ტარიელ ფუტკარაძის სახელობის მხარდაჭერის" პროგრამას სამინისტრო ახორციელებს 2022 წლიდან.

2022 წელს დაფინანსდა 16 სტუდენტი - დაფინანსების ოდენობა 16000 ლარი.

2023 წელს დაფინანსდა 17  სტუდენტი - დაფინანსების ოდენობა 17 000 ლარი.

2024 წელს დაფინანსდა 22  სტუდენტი - დაფინანსების ოდენობა 22 000 ლარი.

2025 წელს დაფინანსდა 19 სტუდენტი - დაფინანსების ოდენობა 19 000 ლარი.

2026 წელს გათვალისწინებულია 25 სტუდენტის დაფინანსება.

აღწერილობა:

ტარიელ ფუტკარაძის სახელობის მხარდაჭერის ფარგლებში გამოცხადებულ კონკურსში მონაწილეობის უფლება აქვს:

• აჭარის ავტონომიური რესპუბლიკის ადმინისტრაციულ ტერიტორიაზე კონკურსის გამოცხადებამდე არანაკლებ ერთი წლით ადრე რეგისტრირებულ საქართველოს მოქალაქეს;
• სტუდენტი, რომელიც  ერთიანი ეროვნული/საერთო სამაგისტრო გამოცდების საფუძველზე ჩაირიცხა და სწავლობს საქართველოში ავტორიზებულ უმაღლეს საგანმანათლებლო დაწესებულებაში, აკადემიური უმაღლესი განათლების პირველი (ბაკალავრიატი) და მეორე (მაგისტრატურა) საფეხურის აკრედიტებულ საგანმანათლებლო პროგრამაზე, რომლის კვალიფიკაცია მიეკუთვნება ქართველოლოგიის მიმართულებას;
• აქვს აქტიური სტუდენტის სტატუსი;
• 2025-2026 სასწავლო წლის გაზაფხულის სემესტრის აკადემიური მოსწრების ქულა საშუალო არითმეტიკულით არის 81% და მეტი.

საბაკალავრო პროგრამები:

ქართული ფილოლოგია;

ქართული ენა და ლიტერატურა.

სამაგისტრო საგანმანათლებლო პროგრამები:

ქართველური ენათმეცნიერება;

ქართული ლიტერატურა და ლიტერატურის შედარებითი კვლევები;

ქართული ლიტერატურა;

ქართული ფილოლოგია;

ქართული სალიტერატურო ენა;

ქართული ლიტერატურის ისტორია;

ლინგვისტიკა და სხვა.

ერთჯერადი ფინანსური დახმარება სტუდენტებზე გაიცემა სემესტრის განმავლობაში ერთჯერ, 1000 ლარის ოდენობით. 

სტუდენტი, რომელიც მოიპოვებს დაფინანსებას სამინისტროს ტექნიკური, საბუნებისმეტყველო და ჰუმანიტარული მიმართულებების ხელშეწყობა" ღონისძიებების: წარჩინებული სტუდენტების მხარდაჭერა და  ტარიელ ფუტკარაძის სახელობის მხარდაჭერა ფარგლებში ვალდებულია, აირჩიოს მხოლოდ ერთი ღონისძიება. 

ტარიელ ფუტკარაძის სახელობის მხარდაჭერა კონკურსში მონაწილეობით დაინტერესებულმა სტუდენტმა უნდა წარმოადგინოს:

• განცხადება;
• საქართველოს მოქალაქის პირადობის მოწმობის ასლი;
• ცნობა რეგისტრაციის  ადგილის შესახებ;
• ცნობა უმაღლესი საგანმანათლებლო დაწესებულებიდან სტუდენტის უმაღლეს საგანმანათლებლო დაწესებულებაში ჩარიცხვის თარიღის, კურსის, ფაკულტეტისა და სპეციალობის შესახებ (შენიშვნა: იმ შემთხვევაში თუ უმაღლესი საგანმანათლებლო პროგრამის სახელწოდებიდან არ დგინდება, რომ პროგრამა მიეკუთვნება ქართველოლოგიის მიმართულებას, ცნობაში ასევ უნდა იყოს მითითებული, რომ სტუდენტის სპეციალიზაცია და საკვალიფიკაციო ნაშრომის თემა მიეკუთვნება ქართველოლოგიის მიმართულებას);
• ცნობა (სასწავლო ბარათი) უმაღლესი საგანმანათლებლო დაწესებულებიდან სტუდენტის ბოლო სემესტრის აკადემიური მოსწრების  შესახებ;
• საჭიროებიდან გამომდინარე, სამინისტროსგან დამატებით მოთხოვნის შემთხვევაში ცნობა უმაღლესი საგანმანათლებლო დაწესებულებიდან სტუდენტის 2025-2026 სასწავლო წლის შემოდგომის სემესტრის აკადემიური მოსწრების შესახებ.
• დაინტერესებულ პირებს  განცხადებისა და დამატებითი დოკუმენტაციის წარმოდგენა შეუძლიათ მატერიალური ფორმით აჭარის ავტონომიური რესპუბლიკის განათლებისა  და სპორტის სამინისტროში  (მისამართი: ქ. ბათუმი, ლ. გუდიაშვილის ქ. N4).

განცხადებები მიიღება: 2026  წლის  3 (9:00 სთ) აგვისტოდან 31 (18:00 სთ)  აგვისტოს ჩათვლით.

იხილეთ: დებულება, განცხადების ფორმა

დამატებითი ინფორმაციისათვის დაგვიკავშირდით:

მისამართი: ქ. ბათუმი, ლ. გუდიაშვილის ქუჩა №4.

ტელ: 555 58 82 82 - ირმა ბერიძე

ტელ:  577 52 03 14 - მარინა პაქსაძე

ელ-ფოსტა: st.dakhmareba@gmail.com

ელ-ფოსტა stipendiainfo@gmail.com

Facebook: აჭარის განათლებისა და სპორტის სამინისტრო