ბავშვთა დაცვის საერთაშორისო დღესთან დაკავშირებით, ბათუმის ბულვარში, საჯარო სკოლებთან არსებული ინკლუზიური განათლების ცენტრების მოსწავლეთა ნამუშევრების გამოფენა-გაყიდვა მოეწყო

გამოფენას აჭარის განათლებისა და სპორტის მინისტრი მაია ხაჯიშვილი, აჭარის მთავრობის თავმჯდომარის მეუღლე სოფიო ბაკურიძე, ასევე საკანონმდებლო, აღმასრულებელი და თვითმმართველობის წარმომადგენლები დაესწრნენ.

 

გამოფენაზე წარმოდგენილი იყო რეგიონში მოქმედი სამი ინკლუზიური განათლების ცენტრის 40-მდე მოსწავლისა და მათი ჯგუფელების მიერ შექმნილი ხელნაკეთი ნამუშევრები.

 

ინკლუზიური განათლების ცენტრებში სპეციალური  საგანმანათლებლო საჭიროების მქონე მოსწავლეთა ინტერესებზე მორგებული უნარების აღმოჩენა-განვითარებაზე, ზრუნვასა და განათლების ხარისხის გაუმჯობესებაზე გათვლილი საგანმანათლებლო, სახელოვნებო, სპორტული და სხვა აქტივობები ხორციელდება.

 

სპეციალური საგანმანათლებლო საჭიროების მქონე მოსწავლეები, სხვადასხვა რესურსისა და მასალის გამოყენებით, ეუფლებიან სახვითი ხელოვნების ტექნიკას და ამზადებენ კერამიკის ნივთებს.