კონკურსის მიზანია, ხელი შე­უწყოს აჭარის ავტონომიურ რესპუბლიკაში ადგილობრივი და საერთაშორისო სამეცნიერო კონფერენციების ჩატარებას, ინფორმაციის გაცვ­ლას, გამოცდილების გაზიარებასა და სამეცნიერო კვლევების განვითარებას.

კონკურსში მონაწილეობის მიღების უფლება აქვთ საქართველოში რეგისტრირებულ საჯარო სამართლის იურიდიულ და საქართველოში რეგისტრირებულ არასამეწარმეო (არაკომერციულ) იურიდიულ პირებს.

სამინისტროდან მოთხოვნილი გრანტის ოდენობა არ უნდა აღემატებოდეს 30000 ლარს.

საგრანტო კონკურსის ფარგლებში შეიძლება დაფინანსდეს:

• კონფერენციის მონაწილეთა მგზავრობის, სასტუმროს და კვების ხარჯი;
• კონფერენციის ორგანიზატორთა ჰონორარი, რაც არ უნდა აღემატებოდეს საგრანტო თანხის 15% (4500 ლარი);
• კონფერენციის მასალების ბეჭდვის ხარჯი;
• კონფერენციის მოსაწყობად საჭირო ფართისა და აპარატურის დაქირავების ხარჯი;
• სხვა საქონელი და მომსახურება.

საგრანტო კონკურსში მონაწილეობისათვის გრანტის მაძიებელმა ქვემოთ ჩამოთვლილი დოკუმენტაცია უნდა ატვირთოს შემდეგ ელექტრონულ მისამართზე: https://shorturl.at/RixTc

•  განაცხადის ფორმა;
• კონფერენციის დღის წესრიგი;
• ძირითად მომხსენებელთა ავტობიოგრაფია (CV);
• ორგანიზაციის სამართლებრივი სტატუსის დამადასტურებელი დოკუმენტი;
• თანაორგანიზატორის არსებობის შემთხვევაში, ხელმოწერილი და ბეჭდით დადასტურებული წერილი გაცემული თანაორგანიზატორის მიერ.

იხილეთ: დებულება; შეფასების ფორმა 

დამატებითი ინფორმაციისათვის დაგვიკავშირდით:

მისამართი: ქ. ბათუმი, ლ. გუდიაშვილის ქუჩა №4.

ტელ:  577 27 02 35 - ნინო ნაკაშიძე

ელ-ფოსტა: umaglesiganatleba2017@gmail.com

Facebook: აჭარის განათლებისა და სპორტის სამინისტრო