10 მარტი, 2025

პროგრამის სტატისტიკა:

პროგრამას სამინისტრო ახორციელებს 2023 წლიდან.

2023 წელს დაფინანსდა 131 სტუდენტი, მათ შორის: 48 სტუდენტი ფლობს 100%  და 83 სტუდენტი  70% სასწავლო გრანტს. გაიხარჯა 179000 ლარი.

2024 წელს დაფინანსდა 380 სტუდენტი, მათ შორის: 33 სტუდენტი ფლობს 100%, 65 სტუდენტი 70% და 282 სტუდენტი 100% სასწავლო გრანტს. გაიხარჯა 272000 ლარი.

 

პროგრამის აღწერილობა

პროგრამის ფარგლებში გათვალისწინებული თანხით დაფინანსდებიან სტუდენტები, რომლებიც 2025 წელს ერთიანი ეროვნული გამოცდების საფუძველზე ჩაირიცხებიან უმაღლეს საგანმანათლებლო დაწესებულებებში: ბაკალავრიატის, მასწავლებლის მომზადების ინტეგრირებულ საბაკალავრო-სამაგისტრო, ვეტერინარიის ინტეგრირებულ სამაგისტრო, დიპლომირებული მედიკოსის/სტომატოლოგის აკრედიტებულ საგანმანათლებლო პროგრამებზე, მოიპოვებენ 50%, 70% ან 100% სასწავლო გრანტს და სრული ზოგადი განათლების დამადასტურებელი დოკუმენტი მიღებული ექნებათ აჭარის ავტონომიური რესპუბლიკის ადმინისტრაციულ ტერიტორიაზე არსებულ რესურსცენტრებზე დაქვემდებარებულ ზოგადსაგანმანათლებლო დაწესებულებებში.

სტუდენტებზე პროგრამის ფარგლებში გათვალისწინებული ფინანსური დახმარება გაიცემა ერთჯერადად, შემდეგი პრინციპით:

• სტუდენტზე, რომელსაც მოპოვებული აქვს 50% სასწავლო გრანტი 500 ლარი;  
• სტუდენტზე, რომელსაც მოპოვებული აქვს 70% სასწავლო გრანტი 1000 ლარი;  
• სტუდენტზე, რომელსაც მოპოვებული აქვს 100% სასწავლო გრანტი 2000 ლარი.

წარმოსადგენი დოკუმენტები:

ა) განცხადება;

ბ) სტუდენტის პირადობის მოწმობის ასლი;

გ) აჭარის ავტონომიური რესპუბლიკის ადმინისტრაციულ ტერიტორიაზე არსებულ რესურსცენტრებზე დაქვემდებარებული ზოგადსაგანმანათლებლო დაწესებულების დასრულების დამადასტურებელი დოკუმენტი  - სრული ზოგადი განათლების ატესტატის ასლი;

დ) შეფასებისა და გამოცდების ეროვნული ცენტრის ცნობა,  რომელიც უნდა მოიცავდეს შემდეგი სახის ინფორმაციას: სტუდენტის სახელი და გვარი, პირადი ნომერი, ჩარიცხვის წელი, უმაღლესი საგანმანათლებლო დაწესებულების დასახელება, საგანმანათლებლო პროგრამის დასახელება, საგანმანათლებლო პროგრამის საფეხური, მოპოვებული სასწავლო გრანტის ოდენობა (შენიშვნა: ცნობის მისაღებად განცხადების დატოვება შესაძლებელია აჭარის ავტონომიური რესპუბლიკის ადმინისტრაციულ ტერიტორიაზე არსებულ რესურსცენტრში, ან სსიპ შეფასებისა და გამოცდების ეროვნულ ცენტრში მის: ქალაქი თბილისი, მინდელის N9).

ე) სტუდენტის საბანკო ანგარიში (ოფიციალური დოკუმენტი).

 

სტუდენტს დოკუმენტების წარმოდგენა შეუძლია მატერიალური ან ელექტრონული ფორმით.

მატერიალური ფორმით დოკუმენტები სტუდენტმა უნდა წარმოადგინოს აჭარის ავტონომიური რესპუბლიკის განათლებისა და სპორტის სამინისტროში (მის. ქ. ბათუმი, ლ. გუდიაშვილის ქ. N4).  

ელექტრონული ფორმით დოკუმენტების წარმოდგენა შესაძლებელია ბმულზე:  https://bitly.cx/oMKB

განაცხადები მიღება: 2025 წლის 8 სექტემბრიდან (9:00 სთ.) - 31 ოქტომბრის (18:00 სთ.) ჩათვლით.

იხილეთ დებულება

დამატებითი ინფორმაციისათვის დაგვიკავშირდით:

მისამართი: ქ. ბათუმი, ლ. გუდიაშვილის ქუჩა №4.

ტელ: 555 588 282 - ირმა ბერიძე

ტელ:  577 52 03 14 - მარინა პაქსაძე

ელ-ფოსტა: st.dakhmareba@gmail.com

Facebook: აჭარის განათლებისა და სპორტის სამინისტრო