10 მარტი, 2025

"ტარიელ ფუტკარაძის სახელობის სტიპენდიის" პროგრამას სამინისტრო ახორციელებს 2022 წლიდან.

2022 წელს დაფინანსდა 16 სტუდენტი - გაიხარჯა 16000 ლარი.

2023 წელს დაფინანსდა 17  სტუდენტი - გაიხარჯა 17 000 ლარი.

2024 წელს დაფინანსდა 22  სტუდენტი - გაიხარჯა 22 000 ლარი.

აღწერილობა:

"ტარიელ ფუტკარაძის სახელობის სტიპენდიის"  ფარგლებში დაფინანსება გაუგრძელდებათ 2022, 2023 და 2024 წელს დაფინანსებულ სტუდენტებს, რომლებიც სწავლას გააგრძელებენ იგივე მიმართულებით და გადალახავენ პროგრამით გათვალისწინებულ აკადემიურ ბარიერს (81 % ან მეტი).

2025 წელს ახალი სტუდენტების დასაფინანსებლად ჩატარდება კონკურსი. 

ტარიელ ფუტკარაძის სახელობის სტიპენდიის ფარგლებში გამოცხადებულ კონკურსში მონაწილეობის უფლება აქვს აჭარის ავტონომიური რესპუბლიკის ადმინისტრაციულ ტერიტორიაზე კონკურსის გამოცხადებამდე არანაკლებ ერთი წლის ადრე რეგისტრირებულ საქართველოს მოქალაქეებს (სტუდენტი), რომლებიც სწავლობენ ავტორიზებულ უმაღლეს საგანმანათლებლო დაწესებულებებში, აკადემიური უმაღლესი განათლების პირველი (ბაკალავრიატი) და მეორე (მაგისტრატურა) საფეხურის იმ აკრედიტებულ საგანმანათლებლო პროგრამებზე, რომელთა კვალიფიკაცია მიეკუთვნება ქართველოლოგიის მიმართულებას, აქვთ აქტიური სტუდენტის სტატუსი და, რომელთა ბოლო სემესტრის აკადემიური მოსწრების ქულა საშუალო არითმეტიკულით არის 81% და მეტი.

საბაკალავრო პროგრამები:

ქართული ფილოლოგია;

ქართული ენა და ლიტერატურა;

ლიტერატურათმცოდნეობა.

სამაგისტრო საგანმანათლებლო პროგრამები:

ქართველური ენათმეცნიერება;

ქართული ლიტერატურა და ლიტერატურის შედარებითი კვლევები;

ქართული ლიტერატურა;

ლიტერატურათმცოდნეობა;

ლიტერატურის თეორია და ქართული ლიტერატურათმცოდნეობა;

ქართული ფილოლოგია;

ქართული სალიტერატურო ენა;

ქართული ლიტერატურის ისტორია;

ლინგვისტიკა

ერთჯერადი ფინანსური დახმარება სტუდენტებზე გაიცემა სასწავლო წლის განმავლობაში ერთჯერ, 1000 ლარის ოდენობით. თუ სტუდენტს კვალიფიკაციის მინიჭებამდე  დარჩენილი აქვს მხოლოდ ერთი სასწავლო სემესტრი  500 ლარი.

 

სტუდენტი, რომელიც მოიპოვებს დაფინანსებას სამინისტროს სტუდენტთა დახმარება პროგრამის, წარჩინებული სტუდენტების მხარდაჭერა ან ტარიელ ფუტკარაძის სახელობის სტიპენდია ღონისძიებების ფარგლებში ვალდებულია, აირჩიოს მხოლოდ ერთი პროგრამა/ღონისძიება. 

ტარიელ ფუტკარაძის სახელობის სტიპენდიის კონკურსში მონაწილეობით დაინტერესებულმა სტუდენტმა უნდა წარმოადგინოს:

• განცხადება;
• საქართველოს მოქალაქის პირადობის მოწმობის ასლი;
• ცნობა რეგისტრაციის  ადგილის შესახებ;
• ცნობა უმაღლესი საგანმანათლებლო დაწესებულებიდან სტუდენტის უმაღლესი საგანმანათლებლო დაწესებულებაში ჩარიცხვის თარიღის, კურსის, ფაკულტეტისა და სპეციალობის შესახებ (შენიშვნა: იმ შემთხვევაში თუ უმაღლესი საგანმანათლებლო პროგრამის სახელწოდებიდან არ დგინდება, რომ პროგრამა მიეკუთვნება ქართველოლოგიის მიმართულებას, ცნობაში ასევ უნდა იყოს მითითებული, რომ სტუდენტის სპეციალიზაცია და საკვალიფიკაციო ნაშრომის თემა მიეკუთვნება ქართველოლოგიის მიმართულებას);
• ცნობა უმაღლესი საგანმანათლებლო დაწესებულებიდან სტუდენტის ბოლო სემესტრის აკადემიური მოსწრების  შესახებ;
• საჭიროებიდან გამომდინარე, სამინისტროსგან დამატებით მოთხოვნის შემთხვევაში ინფორმაცია სტუდენტის მიერ ერთიან ეროვნულ გამოცდებზე საერთო სამაგისტრო გამოცდებზე მიღებული შედეგების შესახებ. 

 

დაინტერესებულ პირებს  განცხადებისა და დამატებითი დოკუმენტაციის წარმოდგენა შეუძლიათ მატერიალური ფორმით აჭარის ავტონომიური რესპუბლიკის განათლებისა  და სპორტის სამინისტროში  (მისამართი: ქ. ბათუმი, ლ. გუდიაშვილის ქ. N4).

განაცხადები მიიღება  2025  წლის  1 აგვისტოდან  29 აგვისტოს ჩათვლით.

იხილეთ: დებულება, განცხადების ფორმა

დამატებითი ინფორმაციისათვის დაგვიკავშირდით:

მისამართი: ქ. ბათუმი, ლ. გუდიაშვილის ქუჩა №4.

ტელ: 555 588 282 - ირმა ბერიძე

ტელ:  577 52 03 14 - მარინა პაქსაძე

ელ-ფოსტა: st.dakhmareba@gmail.com

Facebook: აჭარის განათლებისა და სპორტის სამინისტრო