აჭარის ავტონომიური რესპუბლიკის განათლებისა და სპორტის სამინისტრო  სწავლა საზღვარგარეთ პროგრამის ფარგლებში აცხადებს საგრანტო კონკურსს.

პროგრამის მიზანია ახალგაზრდა და ნიჭიერი კადრების აკადემიური და პროფესიული განვითარების ხელშეწყობა.

კონკურსის პირობები

• საგრანტო  კონკურსში  მონაწილეობის  უფლება აქვს აჭარის ავტონომიური რესპუბლიკის ადმინისტრაციულ ტერიტორიაზე კონკურსის გამოცხადებამდე არანაკლებ ორი წლით ადრე რეგისტრირებულ საქართველოს მოქალაქეს.

• საგრანტო  კონკურსში  მონაწილეობის  უფლება  აქვს საქართველოს მოქალაქეს, რომელიც  ჩარიცხულია/ჩაირიცხება ევროკავშირის წევრი ქვეყნების, გაერთიანებული სამეფოს, ამერიკის შეერთებული შტატების, 

კანადის, ავსტრალიის, იაპონიის, შვეიცარიის ან ნორვეგიის უნივერსიტეტების

დაფინანსების ოდენობა და მიზნები

2025 წელს კონკურსის წესით შერჩეული აპლიკანტები გრანტის სახით  სასწავლო წლის განმავლობაში სწავლის ხარჯების დაფინანსების მიზნით მიიღებენ:

                  o     ერთი სემესტრის ხარჯის გაწევის მიზნით არაუმეტეს 15 000 ლარისა;

                  o     ორი სემესტრის ხარჯის გაწევის მიზნით არაუმეტეს 30 000 ლარისა;

                  o     სამი სემესტრის ხარჯის გაწევის მიზნით არაუმეტეს 35 000 ლარისა.

სტუდენტს შესაბამის სამაგისტრო ან სადოქტორო საფეხურზე შეიძლება დაუფინანსდეს არაუმეტეს 6 სემესტრი.

კონკურსში გამარჯვებულს შეიძლება აუნაზღაურდეს შემდეგი ტიპის ხარჯები:

ა. სწავლის საფასური;

ბ. ბინა და კომუნალური; 

გ. საერთაშორისო მგზავრობა, ვიზის და ვიზასთან დაკავშირებული ხარჯები;

დ. სამედიცინო დაზღვევა;

ე. კვება, შიდა მგზავრობა და უმაღლესი საგანმანათლებლო დაწესებულების სილაბუსით განსაზღვრული სასწავლო რესურსების შეძენა;

ვ. სხვა ხარჯები, რომლის მიზნობრიობაზე გადაწყვეტილებას იღებს სამინისტრო.

საკონკურსო დოკუმენტაცია და ვადები

კონკურსში მონაწილეობის მისაღებად კონკურსანტმა უნდა შეავსოს აპლიკაციის ფორმა და დებულებით გათვალისწინებული დოკუმენტაცია უნდა ატვირთოს შემდეგ ბმულზე - https://shorturl.at/MHKS3

განაცხადები მიღება: 2025 წლის 20 მარტიდან (9:00 სთ.) - 20 მაისის (16:00 სთ.) ჩათვლით.

სწავლა საზღვარგარეთ პროგრამის ფარგლებში 2023 და 2024 წელს დაფინანსებული სტუდენტი, რომელიც სწავლის დაფინანსების გაგრძელებისთვის გათვალისწინებულ დოკუმენტებს წარმოადგენს:

• იანვარ-თებერვალში - მომდევნო სემესტრის/სემესტრების სწავლასთან დაკავშირებული ხარჯების დაფინანსებისთვის გრანტი გაიცემა მიმდინარე წლის არაუგვიანეს 30 მარტისა;

• მარტში - მომდევნო სემესტრის/სემესტრების სწავლასთან დაკავშირებული ხარჯების დაფინანსებისთვის გრანტი გაიცემა მიმდინარე წლის არაუგვიანეს 30 აპრილისა;

• აპრილში - მომდევნო სემესტრის/სემესტრების სწავლასთან დაკავშირებული ხარჯების დაფინანსებისთვის გრანტი გაიცემა მიმდინარე წლის არაუგვიანეს 30 მაისისა;

• მაისში - მომდევნო სემესტრის/სემესტრების სწავლასთან დაკავშირებული ხარჯების დაფინანსებისთვის გრანტი გაიცემა მიმდინარე წლის არაუგვიანეს 30 ივნისისა.

პროგრამის ანგარიში 

სწავლა საზღვარგარეთ პროგრამის ფარგლებში 2014 წლიდან დღემდე სულ აჭარის ავტონომიური რესპუბლიკის ბიუჯეტიდან გაიხარჯა  5115,775 ლარი. პროგრამის ფარგლებში 2014 წლიდან დღემდე სულ დაფინანსდა 131 სტუდენტი.

დამატებითი ინფორმაციისათვის დაგვიკავშირდით:

მისამართი: ქ. ბათუმი, ლ. გუდიაშვილის ქუჩა №4.

ტელ:  593 592 100 - გიორგი ბაციკაძე

ელ-ფოსტა: abroadstudyprogram@gmail.com

Facebook: აჭარის განათლებისა და სპორტის სამინისტრო