უცხოეთში სტაჟირება

აჭარის ავტონომიური რესპუბლიკის

განათლებისა და სპორტის სამინისტრო

უცხოეთში სტაჟირება

განათლებისა და სპორტის სამინისტრო

უცხოეთში სტაჟირება

30 იანვარი, 2025

აჭარის ავტონომიური რესპუბლიკის განათლებისა და სპორტის სამინისტრო 2006 წლიდან ახორციელებს უცხოეთში სტაჟირების პროგრამას,

რომელსაც საფუძვლად უდევს ევროპის რეგიონთა ასამბლეის ახალგაზრდების გაცვლითი პროგრამა „ევროოდისეა”

პროგრამა „ევროოდისეა” დაარსდა 1985 წელს, ევროპის რეგიონთა ასამბლეის (ერა) ეგიდით და გულისხმობს პროგრამის მონაწილე

რეგიონებს შორის ახალგაზრდების გაცვლას, მათი პროფესიული უნარ-ჩვევების განმტკიცების მიზნით.

პროგრამაში მონაწილეობის უფლება აქვს აჭარის ავტონომიური რესპუბლიკის ადმინისტრაციულ ტერიტორიაზე მცხოვრებ 18-35 წლის ასაკის საქართველოს მოქალაქეს, რომელსაც გააჩნია პროფესიული ან უმაღლესი განათლება, ფლობს უცხო ენა/ენებს და აკმაყოფილებს სტაჟირების პირობებს.

რეგიონების მიხედვით სტაჟირების ხანგრძლივობა 3-დან 7 თვემდეა და სრულად ფინანსდება მიმღები რეგიონის მიერ. ამ მიზნით, ახალგაზრდებს ყოველთვიურად ერიცხებათ სტიპენდია 700-1200 ევროს ოდენობით კვებისა და აკომოდაციის ხარჯების დასაფარავად. სტაჟირება იწყება უცხო ენის 4 - კვირიანი ინტენსიური კურსით, რომლის ღირებულებასაც ასევე ფარავს მასპინძელი რეგიონი. სპეციალური კულტურული პროგრამა აცნობს

სტაჟიორს რეგიონის კულტურულ მემკვიდრეობას და უადვილებს მას

ახალ გარემოში ადაპტაციას.

სტაჟიორის დაზღვევის თანადამფინანსებელია ევროპის რეგიონთა ასამბლეა. მგზავრობისა და ვიზის ხარჯებს იღებს თავად სტაჟიორი.

აჭარის ავტონომიური რესპუბლიკის განათლებისა და სპორტის სამინისტრო სტაჟიორს ერთჯერადი გასაცემლის სახით ურიცხავს 2000 ლარს.

სტაჟირების დასრულების შემდეგ, პრაქტიკანტი ვალდებულია მასპინძელ რეგიონს წარუდგინოს მოხსენებითი წერილი, რომელშიც

მიმოიხილავს სტაჟირების პერიოდს და აფასებს მიღებულ გამოცდილებას. ამ წერილის საფუძველზე სტაჟიორი იღებს სტაჟირების დამადასტურებელ დოკუმენტს.

უცხოეთში გასაგზავნ სტაჟიორთა შერჩევა ხდება კონკურსის წესით. კონკურსის პირველ ეტაპს ატარებს სამინისტრო. პირველ ეტაპზე გამარჯვებულ მონაწილეს უფლება ეძლევა ევროოდისეას ვებ-გვერდის მეშვეობით აპლიკაცია შეავსოს და გაუგზავნოს მიმღებ რეგიონებს. სტაჟიორის შერჩევასთან დაკავშირებით, საბოლოო გადაწყვეტილებას იღებს მიმღები რეგიონის კოორდინატორი (კონკურსის მეორე ეტაპი) აპლიკანტთან სატელეფონო გასაუბრების საფუძველზე.

„უცხოეთში სტაჟირება" ფარგლებში, სამინისტროში დარეგისტრირებულ, უცხოეთში სტაჟირების მსურველ აპლიკანტებთან გასაუბრება

2025 წელს გაიმართება:

ა) არაუგვიანეს 2025 წლის 28 თებერვლისა, რომელშიც მონაწილეობის მიღება შეეძლებათ 2024 წლის 30 ოქტომბრიდან 2025 წლის 31 იანვრის

ჩათვლით დარეგისტრირებულ აპლიკანტებს;

ბ) არაუგვიანეს 2025 წლის 30 ივნისისა, რომელშიც მონაწილეობის მიღება შეეძლებათ 2025 წლის 1 თებერვლიდან 2025 წლის

30 მაისის ჩათვლით დარეგისტრირებულ აპლიკანტებს;

გ) არაუგვიანეს 2025 წლის 31 ოქტომბრისა, რომელშიც მონაწილეობის მიღება შეეძლებათ 2025 წლის 1 ივნისიდან 2025 წლის 30 სექტემბრის

ჩათვლით დარეგისტრირებულ აპლიკანტებს.

დებულება

წარმოსადგენი დოკუმენტების ჩამონათვალი

განაცხადის ფორმა შეფასების ფორმა.

საკონტაქტო პირი:

ნინო ბერაძე - პროგრამის კოორდინატორი

მისამართი: ქ.ბათუმი, ლ.გუდიაშვილის ქ.4

ტელ: 593 304 264

ელ.ფოსტა:beradzen@europe.com