აქტიურ ფაზაშია რუსლან მელაძის სახელობის ხულოს მუნიციპალიტეტის სოფელ ქვემო ვაშლოვანის ახალი სკოლის მშენებლობა.

პროექტის მიხედვით აშენდა ორი კორპუსი:  სკოლის სამსართულიანი შენობა, რომელიც გათვლილია 350 მოსწავლეზე და  საცხოვრებელი კამპუსი 150 მოსწავლისთვის. 

 სკოლაში მოეწყობა საკლასო ოთახები, ლაბორატორიები, ბიბლიოთეკა, კომპიუტერული ოთახი, სააქტო დარბაზი,  სპორტდარბაზი - სამაყურებლო აივნით. შენობა იქნება სრულად ადაპტირებული და ენერგოეფექტური.

სკოლას ასევე ექნება ღია მოედანი. პროექტის ღირებულება შეადგენს 9 726 074 ლარს. ამ ეტაპზე მიმდინარეობს შიდა მოსაპირკეთებელი სამუშაოები.პროექტის მიმდინარეობას სამინისტროს ხელმძღვანელობა თვითმმართველობის წარმომადგენლებთან ერთად გაეცნო.